ಭೂಮಿಯತ್ತ ನಿಗಾ ಇಟ್ಟಿವೆಯಾ ಅನ್ಯಲೋಕ ಜೀವಿಗಳು ?

ಭೂಮಿಗೆ ಹೊರತಾದ, ನಮ್ಮಿಂದಲೂ ಅಂದರೆ ಮನುಷ್ಯರಿಗಿಂತಲೂ ಬುದ್ಧಿವಂತರಾದ ಜೀವಿಗಳು ಇವೆಯಾ ಎಂಬ ಪ್ರಶ್ನೆ ಬಹುಕಾಲದಿಂದಲೇ ಕಾಡುತ್ತಿವೆ. ಇತ್ತೀಚಿನ ವೈಜ್ಞಾನಿಕ ಸಂಶೋಧನೆಗಳ ಪ್ರಕಾರ ನಮ್ಮಿಂದಲೂ ಬುದ್ಧಿವಂತರಾದ, ಹೆಚ್ಚು ನಾಗರಿಕತೆ ಬೆಳವಣಿಗೆ ಹೊಂದಿದ 36ಕ್ಕೂ ಹೆಚ್ಚಿನ ಭೂಮಿಯನ್ನು ಹೋಲುವ ಗ್ರಹಗಳಿದ್ದು, ಅದರಲ್ಲಿ ನಾನಾ ಜೀವಿಗಳು ಜೀವಿಸಿರುವ ಬಗ್ಗೆ ಸಂದೇಹ ವ್ಯಕ್ತಪಡಿಸಿವೆ.

 ಏಲಿಯನ್ಸ್ ಅಥವಾ ಅನ್ಯಗ್ರಹ ಜೀವಿಗಳ ಕುರಿತು ನಾಟಿಂಗ್ ಹ್ಯಾಂ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಹೊಸದಾಗಿ “ಕಾಸ್ಮಿಕ್ ಇವಲ್ಯೂಶನ್” ಎಂಬ ಸಿದ್ಧಾಂತವನ್ನು ಮಂಡಿಸಿದ್ದು, ನಮ್ಮ ಬ್ರಹ್ಮಾಂಡದಲ್ಲೇ ಇಂತಹ ಕನಿಷ್ಠವೆಂದರೂ 36 ಬುದ್ಧಿವಂತ ಜೀವಿಗಳಿವೆ ಎಂದು ಪ್ರತಿಪಾದಿಸಿದ್ದಾರೆ.

ಈ ಕುರಿತು ಅಧ್ಯಯನ ವರದಿಯು ಆಸ್ಟ್ರೋಫಿಸಿಕಲ್ ಜರ್ನಲ್ ನಲ್ಲಿ ಪ್ರಕಟವಾಗಿದೆ. ಬೇರೆ ಗ್ರಹಗಳು ಮಾತ್ರವಲ್ಲ ಭೂಮಿಯಲ್ಲೇ ಅಂತಹ ನಮಗೆ ಗೋಚರವಾಗದೆ ಉಳಿದಿರುವ ಜೀವಿಗಳಿರಬಹುದು. ಇದಕ್ಕೆ ಮೆಟಾಲಿಸಿಟಿ ಡಿಸ್ಟ್ರಿಬ್ಯೂಶನ್ ಕಾರಣವಿರಬಹುದು ಎಂದು ತರ್ಕಿಸಿದ್ದಾರೆ.

ಆದರೆ ಅನ್ಯ ಲೋಕ ನಾಗರಿಕತೆಯು ಎಲ್ಲಿರಬಹುದು ಎಂಬ ಪ್ರಶ್ನೆಗೆ ಇದರಲ್ಲಿ ಉತ್ತರವಿಲ್ಲ. ಆದರೆ, ಭೂಮಿಯಲ್ಲಿ ಮಾನವ ವಿಕಾಸವು ಸುಮಾರು 5 ಶತಕೋಟಿ ವರ್ಷಗಳನ್ನು ತೆಗೆದುಕೊಂಡಿದೆ. ಇದಕ್ಕೆ ಮೊದಲು ಕೂಡ ನಮ್ಮ ರೀತಿಯಲ್ಲೇ ಸೌರ ವ್ಯೂಹಗಳು ಅನೇಕವಿದ್ದು, ಅಲ್ಲಿ ಕೂಡ ಭೂಮಿ ರೀತಿಯ ಗ್ರಹಗಳು ಇದ್ದವು. ಅಲ್ಲಿ ನಮ್ಮಿಂದ ಮೊದಲೇ ವಿಕಾಸ ಆರಂಭವಾಗಿತ್ತು. ಹೀಗಾಗಿ ನಮಗೆ ಹೋಲಿಸಿದರೆ ಅವರು ನೂರಾರು ಪಟ್ಟು ಹೆಚ್ಚು ಬುದ್ಧಿವಂತರಾಗಿರಬಹುದು ಎಂದು ಅಭಿಪ್ರಾಯ ಪಟ್ಟಿದೆ.

ಬಾಯಿ ಬಿಡದ ಅಮೆರಿಕ

ಅಮೆರಿಕವು ಅನ್ಯಜೀವಿಗಳ ಅಸ್ತಿತ್ವದ ಕುರಿತು ಸಾಕಷ್ಟು ವರ್ಷಗಳಿಂದಲೇ ಸಂಶೋಧನೆ ನಡೆಸುತ್ತಲೇ ಬಂದಿದೆ. ಇದಕ್ಕಾಗಿ ಪ್ರತ್ಯೇಕ ತಂಡವನ್ನೂ ಕೂಡ ರಚಿಸಿದೆ. ಆದರೆ ಅದರ ಪರಿಣಾಮ ಏನು ಎಂಬ ಬಗ್ಗೆ ವಿವರ ಹೊರಗೆ ಬರುತ್ತಿಲ್ಲ. ಅದಕ್ಕೆ ಕಾರಣ ಅದು ಟಾಪ್ ಸೀಕ್ರೇಟ್ ಹಣೆಪಟ್ಟಿ ಕಟ್ಟಿಕೊಂಡಿದೆ. ನೇವಡಾದಲ್ಲಿರುವ ಅಮೆರಿಕ ರಹಸ್ಯ ನೌಕಾಪಡೆ ನೆಲೆಯ ಕುರಿತು ಈ ಬಗ್ಗೆ ಸಂದೇಹಗಳು ಮೂಡಿದ್ದರೂ ಇನ್ನೂ ಯಾವುದೇ ಸ್ಪಷ್ಟ ಚಿತ್ರಣ ಪಡೆಯಲು ಜಗತ್ತಿನ ಯಾವ ರಾಷ್ಟ್ರಗಳಿಗೂ ಸಾಧ್ಯವಾಗಿಲ್ಲ.

ಸೈಟ್ ನಂ. 51 ಎಂದು ಕರೆಯಲ್ಪಡುವ ಇದನ್ನು 1947ರಲ್ಲಿ ಸ್ಥಾಪಿಸಲಾಯಿತು. ನ್ಯೂ ಮೆಕ್ಸಿಕೋದಲ್ಲಿರುವ ಈ ಪ್ರದೇಶದಲ್ಲಿ ಆಗ ಅಮೆರಿಕದ ವಿಮಾನವೊಂದು ಪತನವಾಯಿತು. ಅದಕ್ಕೆ ಕಾರಣ ಅನ್ಯ ಜೀವಿಗಳ ಬಾಹ್ಯಾಕಾಶ ನೌಕೆ ಎಂದು ಹೇಳಲಾಗುತ್ತಿದ್ದು, ಅಲ್ಲಿ ಈಗಲೂ ಆ ನೌಕೆಯ ಅವಕಾಗಳು ಇವೆ. ಅದರ ಸಂಶೋಧನೆ ಸತತವಾಗಿ ನಡೆಯುತ್ತಿರುವುದರಿಂದಲೇ ಅದನ್ನು ನಿರ್ಬಂಧಿತ ಪ್ರದೇಶವಾಗಿ ಘೋಷಿಸಲಾಗಿದೆ.

ಸಾಂದರ್ಭಿಕ ಚಿತ್ರ : Greg Rakozy on Unsplash