ಚಿರನಿದ್ರೆಗೆ ಜಾರಿದ ಜೇಮ್ಸ್ ಬಾಂಡ್ 007 ಶಾನ್ ಕಾನರಿ

ಬಾಂಡ್ ಜೇಮ್ಸ್ ಬಾಂಡ್ ಎನ್ನುತ್ತಾ ಹಲವು ದಶಕಗಳಕಾಲ ಪ್ರೇಕ್ಷಕರನ್ನು ರಂಜಿಸಿದ್ದ ಶಾನ್ ಕಾನರಿ ತಮ್ಮ 90ನೆಯ ವಯಸ್ಸಿನಲ್ಲಿ ಇಂದು ನಿಧನರಾದರು ಎಂದು ಅವರ ಕುಟುಂಬ ಮೂಲಗಳು ತಿಳಿಸಿವೆ.

ಕೆಲಕಾಲದಿಂದ ಅಸ್ವಸ್ಥರಾಗಿದ್ದ ಕಾನರಿ ಬಹಮಾಸ್ ನಲ್ಲಿ ಶಾಂತವಾಗಿ ಚಿರನಿದ್ರೆಗೆ ಜಾರಿದರು ಎಂದು ಅವರ ಪುತ್ರ ತಿಳಿಸಿದ್ದಾಗಿ ಬಿಬಿಸಿ ವರದಿ ಮಾಡಿದೆ.

ಅನ್ ಟಚಬಲ್ಸ್ ನಲ್ಲಿ ಅವರು ಅಭಿನಯಿಸಿದ್ದ ಐರಿಶ್ ಪೊಲೀಸ್ ಅಧಿಕಾರಿ ಪಾತ್ರಕ್ಕೆ ಆಸ್ಕರ್ ಪ್ರಶಸ್ತಿ ಲಭಿಸಿತ್ತು. ದಿ ಹಂಟ್ ಫಾರ್ ರೆಡ್ ಅಕ್ಟೋಬರ್, ಇಂಡಿಯಾನ ಜೋನ್ಸ್, ಲಾಸ್ಟ್ ಕ್ರುಸೇಡ್ ಮತ್ತು ದಿ ರಾಕ್ ಆತನ ಪ್ರಮುಖ ಚಿತ್ರಗಳ ಸಾಲಿಗೆ ಸೇರುತ್ತದೆ.

Sir Sean Connery has died at the age of 90. He was the first actor to play James Bond on the big screen in Dr. No in 1962, From Russia With Love, Goldfinger, Thunderball, You Only Live Twice and Diamonds Are Forever followed. pic.twitter.com/VaFPHCM5Ou

— James Bond (@007) October 31, 2020

ಚಿರತೆಯಂತೆ ಓಡುವ, ಶತ್ರುಗಳನ್ನು ಮುಲಾಜಿಲ್ಲದೆ ಸಾಯಿಸುವ, ಹುಡುಗಿಯರೊಂದಿಗೆ ಲಲ್ಲೆ ಹೊಡೆಯುವ ಜೇಮ್ಸ್ ಬಾಂಡ್ 007 ಆಗಿ ಕಾನರಿ ಅಭಿನಯವನ್ನು ನೋಡೇ ಸವಿಯಬೇಕು.

ಶಾನ್ ಕಾನರಿ ಹುಟ್ಟಿದ್ದು 1930ರ ಆಗಸ್ಟ್ 25. ಇವರ ತಂದೆ ಫ್ಯಾಕ್ಟರಿಯೊಂದರ ಕೆಲಸಗಾರ. 13 ವರ್ಷಕ್ಕೆ ಶಾಲೆಗೆ ಶರಣು ಹೊಡೆದ ಸೀನ್ ಕ್ಯಾನರಿ ಮಾಡದ ಕೆಲಸಗಳಿಲ್ಲ. ಹಾಲು ವಿತರಿಸಿದ ,ಕ್ಯಾಫಿನ್ ಗಳಿಗೆ ಬಣ್ಣ ಬಳಿಯುವ ಕೆಲಸವನ್ನೂ ಮಾಡಿದ. ಆಮೇಲೆ ನೌಕದಳ ಸೇರಿದ. ಅಲ್ಸರ್ ಕಾರಣದಿಂದ ಆ ಕೆಲಸವನ್ನು ಬಿಡಬೇಕಾಯಿತು, ಮುಂದೆ ಟ್ರಕ್ ಡ್ರೈವರ್ ಆದ, ಲೈಫ್ ಗಾರ್ಡ್ ಕೆಲಸ ಮಾಡಿದ. ದೇಹ ದಾರ್ಢ್ಯ ಪಟುವಾದ. 1953 ರಲ್ಲಿ ಇಂಥದೇ ಸ್ಪರ್ಧೆಗೆಂದು ಲಂಡನ್ ಗೆ ಬಂದ. ಅಲ್ಲಿಂದ ಅವನ ದಾರಿ ಬದಲಾಯಿತು. ಸಣ್ಣ ಪುಟ್ಟ ಪಾತ್ರಗಳನ್ನು ನಾಟಕಗಳಲ್ಲಿ ಮಾಡತೊಡಗಿದ. ಹಾಗೆ ಸಿನಿಮಾದಲ್ಲಿ ಪಾತ್ರ ಗಿಟ್ಟಿಸಿದ. ಮುಂದೆ ಜೇಮ್ಸ್ ಬಾಂಡ್ 007ನಾಗಿ ಜನಪ್ರಿಯನಾದ.