ಕ್ರಿಸ್ಮಸ್ ವೇಳೆಗೆ ಲಸಿಕೆ ರೆಡಿ; ಮಡೋರ್ನ, ಫೈಜರ್ ಗೆಲ್ಲುವವರು ಯಾರು?

ಎಲ್ಲವೂ ಅಂದು ಕೊಂಡಂತೆ ನಡೆದರೆ ಈ ತಿಂಗಳಾಂತ್ಯ ಅಥವಾ ಡಿಸೆಂಬರ್ ಮೊದಲ ವಾರ ಕೋವಿಡ್ ವಿರುದ್ಧದ ಲಸಿಕೆ ಎಲ್ಲರಿಗೂ ಲಭ್ಯವಾಗುವಂತೆ ಕಾಣಿಸುತ್ತಿದೆ.

ಕಳೆದವಾರ ಶೇಕಡ 90ರಷ್ಟು ಪ್ರಗತಿ ಕಂಡಿರುವುದಾಗಿ ಹೇಳಿದ್ದ ಫೈಜರ್ ಕಂಪೆನಿ ನಿನ್ನೆ ಮತ್ತಷ್ಟು ಆಶಾದಾಯಕ ಫಲಿತಾಂಶ ನೀಡಿದ್ದು ಶೇಕಡ 95ರಷ್ಟು ಪ್ರಗತಿ ಸಾಧಿಸಿರುವುದಾಗಿ ಹೇಳಿದೆ. ಎಲ್ಲಾ ವಯೋಮಾನದವರಲ್ಲೂ ಈ ಲಸಿಕೆ ಆಶಾದಾಯಕ ಫಲಿತಾಂಶ ನೀಡಿದೆ ಎನ್ನಲಾಗಿದೆ. ಡಿಸೆಂಬರ್ ಎರಡನೇ ವಾರದಲ್ಲಿ ಸರಕಾರಗಳ ಅನುಮತಿ ಪಡೆದು ಕ್ರಿಸ್ಮಸ್ ಗೆ ಮುನ್ನವೇ ಜನರಿಗೆ ಲಭ್ಯವಾಗುವಂತೆ ಮಾಡುವ ಇಂಗಿತವನ್ನು ಕಂಪನಿ ವ್ಯಕ್ತಪಡಿಸಿದೆ.

ಮತ್ತೊಂದು ಕಂಪೆನಿ ಕೇಂಬ್ರಿಡ್ಜ್ ನ ಮಡೋರ್ನ ಕೂಡ ಆಶಾದಾಯಕ ಫಲಿತಾಂಶ ನೀಡಿದ್ದು ಅದು ಶೇಕಡ 94.5 ರಷ್ಟು ಪ್ರಗತಿ ಸಾಧಿಸಿದೆ. ಇನ್ನುಳಿದಂತೆ ಸರಕಾರಗಳು ಪರಿಶೀಲಿಸಿ ಅನುಮತಿ ನೀಡಬೇಕು.

ಆಸ್ಟ್ರಾ ಜೆನಿಕಾ ಮತ್ತು ಯೂನಿವರ್ಸಿಟಿ ಆಫ್ ಆಕ್ಸ್ ಫರ್ಡ್ ಸಿದ್ಧಪಡಿಸುತ್ತಿರುವ ಲಸಿಕೆ ಕೂಡ ವಯಸ್ಸಾದವರಲ್ಲೂ ಸಕ ಸಕರಾತ್ಮಕ ಫಲಿತಾಂಶ ವ್ಯಕ್ತಮಾಡಿದೆ. ಇದರ ಅಂತಿಮ ಪ್ರಯೋಗ ಈ ವಾರದಲ್ಲೇ ನಡೆಯಲಿದೆ.

ಇಂದು ನಡೆದ ಹಿಂದೂಸ್ತಾನ್ ಟೈಮ್ಸ್ ಪತ್ರಿಕೆಯ ನಾಯಕತ್ವ ಶೃಂಗದಲ್ಲಿ ಮಾತಾನಾಡಿದ ಸೆರಮ್ ಇನ್ಸ್ ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಿಇಓ ಅಡರ್ ಪೂನವಲ್ಲ , ಭಾರತದಲ್ಲಿ ಆಕ್ಸ್ ಫರ್ಡ್ ಲಸಿಕೆಯ ಬೆಲೆ 500 ರೂ. ಆಗಬಹುದು ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಇದಕ್ಕೆ ಹೋಲಿಸಿದರೆ ಫೈಜರ್ ಮತ್ತು ಮಡೋರ್ನ ಕಂಪೆನಿಯ ಲಸಿಕೆಗಳ ಬೆಲೆ ಭಾರತಕ್ಕೆ ದುಬಾರಿ ಆಗಬಹುದು ಎಂದು ಅಂದಾಜಿಸಲಾಗಿದೆ.

ಚೀನಾ ಅಭಿವೃದ್ಧಿ ಪಡಿಸಿರುವ ಕರೋನಾ ವಾಕ್ ಲಸಿಕೆ ಅಂತಿಮ ಹಂತದ ಪ್ರಯೋಗದಲ್ಲಿದೆ. ರಷ್ಯಾದ ಸ್ಪುಟ್ನಿಕ್ ವ್ಯಾಕ್ಸಿನ್ ಶೇಕಡ 92ರಷ್ಟು ಫಲಿತಾಂಶ ನೀಡಿದೆ.

ಭಾರತದಲ್ಲಿ ಭಾರತ್ ಬಯೋಟೆಕ್ ಸಿದ್ಧಪಡಿಸುತ್ತಿರುವ ಕೋವ್ಯಾಕ್ಸ್ ವ್ಯಾಕ್ಸಿನ್ ಮೂರನೇ ಹಂತದ ಪ್ರಯೋಗಕ್ಕೆ ಸಿದ್ಧವಾಗಿದೆ.

ಸವಾಲುಗಳು

1 ವ್ಯಾಕ್ಸಿನ್ ಸಿದ್ಧವಾದರು -80 ಡಿಗ್ರಿ ಸೆಲ್ಸಿಯಸ್ ನಲ್ಲಿ ಅದನ್ನು ಸಂಗ್ರಹಿಸಿ ಸಾಗಿಸುವ ಸವಾಲು.

2 ಈಗಿನ ಫಲಿತಾಂಶ ನಾಲ್ಕು ಐದು ತಿಂಗಳು ರೋಗದ ವಿರುದ್ಧ ರಕ್ಷಣೆಯ ಫಲಿತಾಂಶ ನೀಡಿದೆ. ದೀರ್ಘಕಾಲವೂ ಇದು ರಕ್ಷಣೆ ನೀಡಬಲ್ಲದೆ ಎಂಬುದು ಖಚಿತವಾಗಬೇಕಿದೆ. ಅದಕ್ಕೆ ಇನ್ನು ಸಮಯ ಬೇಕು. ಹೀಗಾಗಿ ಮಾನಿಟರ್ ಮಾಡುತ್ತಲೆ ಇರಬೇಕು.

3 ಸರಕಾರಗಳು ನಕಲಿ ವ್ಯಾಕ್ಸಿನ್ ತಯಾರಕರ ಬಗ್ಗೆ ಎಚ್ಚರ ವಹಿಸಬೇಕಾದ ಅನಿವಾರ್ಯತೆ ಎದುರಾಗಲಿದೆ. ಕಾಳಸಂತೆಯಲ್ಲಿ ಮಾರಾಟವಾಗದಂತೆ ಕ್ರಮ ಕೈಗೊಳ್ಳಬೇಕಾಗುತ್ತದೆ.

4 ಸೈಡ್ ಎಫೆಕ್ಟ್ ಗಳ ಬಗ್ಗೆ ಇನ್ನೂ ಪರಿಣಾಮಕಾರಿ ಅಧ್ಯಯನ ಆಗಬೇಕು.

Photo by RF._.studio from Pexels