2021-22ರ ಶೈಕ್ಷಣಿಕ ಕ್ಯಾಲೆಂಡರ್‌ ಪ್ರಕಟ

2021-22ನೇ ಸಾಲಿನ ಶೈಕ್ಷಣಿಕ ವರ್ಷದ ಕ್ಯಾಲೆಂಡರ್‌ನ್ನು ಉನ್ನತ ಶಿಕ್ಷಣ ಇಲಾಖೆ ಸಿದ್ಧಪಡಿಸಿದ್ದು; ಎಂಜಿನಿಯರಿಂಗ್‌, ಪದವಿ ಮತ್ತು ಸ್ನಾತಕೋತ್ತರ ತರಗತಿಗಳು 2021ರ ಅಕ್ಟೋಬರ್‌ 4ರಿಂದ ಆರಂಭವಾಗಲಿವೆ ಎಂದು ಉನ್ನತ ಶಿಕ್ಷಣ ಸಚಿವರೂ ಆದ ಉಪ ಮುಖ್ಯಮಂತ್ರಿ ಡಾ.ಸಿ.ಎನ್.ಅಶ್ವತ್ಥನಾರಾಯಣ ತಿಳಿಸಿದ್ದಾರೆ.

ಈ ಬಗ್ಗೆ ಮಂಗಳವಾರ ಹೇಳಿಕೆ ಬಿಡುಗಡೆ ಮಾಡಿರುವ ಅವರು, ಕೋವಿಡ್‌ ಕಾರಣದಿಂದ 2021-22ನೇ ಸಾಲಿನ ಶೈಕ್ಷಣಿಕ ಚಟವಟಿಕೆಗಳಲ್ಲಿ ವ್ಯತ್ಯಯವಾಗಿದ್ದ ಹಿನ್ನೆಲೆಯಲ್ಲಿ ಆ ಎಲ್ಲ ಅಂಶಗಳನ್ನು ಪರಿಗಣಿಸಿ ಶೈಕ್ಷಣಿಕ ಕ್ಯಾಲೆಂಡರ್‌ ನ ಕರಡು ರೂಪಿಸಲಾಗಿದೆ ಎಂದರು.

2021-22ನೇ ಸಾಲಿನ ಶೈಕ್ಷಣಿಕ ಕ್ಯಾಲೆಂಡರ್‌ ಹೀಗಿದೆ:

ಪದವಿ ತರಗತಿಗಳು:

ಪದವಿ ವಿಭಾಗದ 5ನೇ ಸೆಮಿಸ್ಟರ್‌ ತರಗತಿಗಳು ಫೆಬ್ರವರಿ 28ರಂದು ಮುಗಿಯಲಿದ್ದು, ಪರೀಕ್ಷೆಗಳು 2021 ಮಾರ್ಚ್‌ 31ರಂದು ಮುಗಿಯಲಿವೆ. 1 ಮತ್ತು 3ನೇ ಸೆಮಿಸ್ಟರ್‌ ತರಗತಿಗಳು 2021ರ ಮಾರ್ಚ್‌ 31ಕ್ಕೆ ಅಂತ್ಯವಾಗಲಿದ್ದು, ಪರೀಕ್ಷೆಗಳು 2021 ಏಪ್ರಿಲ್‌ 30ರಂದು ಆರಂಭವಾಗಲಿವೆ. 6ನೇ ಸೆಮಿಸ್ಟರ್‌ ತರಗತಿಗಳು 2021 ಏಪ್ರಿಲ್‌ 1ರಂದು ಶುರುವಾಗಿ, 2021ರ ಜುಲೈ 31ಕ್ಕೆ ಮುಗಿಯುತ್ತವೆ. 6ನೇ ಸೆಮಿಸ್ಟರ್‌ ಪರೀಕ್ಷೆಗಳು 2021 ಅಗಸ್ಟ್‌ 31ಕ್ಕೆ ಮುಗಿಯುತ್ತವೆ. ಈ ಸೆಮಿಸ್ಟರ್‌ ಪರೀಕ್ಷೆ ಫಲಿತಾಂಶವು 2021 ಸೆಪ್ಟೆಂಬರ್‌ 10ರಂದು ಪ್ರಕಟವಾಗಲಿದೆ. 2 ಮತ್ತು 4ನೇ ಸೆಮಿಸ್ಟರ್‌ ತರಗತಿಗಳು 2021 ಮೇ 2ಕ್ಕೆ ಶುರುವಾಗಿ 2021 ಅಗಸ್ಟ್‌ 31ಕ್ಕೆ ಮುಕ್ತಾಯವಾಗುತ್ತವೆ. ಈ ಸೆಮಿಸ್ಟರ್‌ನ ಪರೀಕ್ಷೆಗಳು 2021 ಸೆಪ್ಟೆಂಬರ್‌ 30ಕ್ಕೆ ಮುಗಿಯುತ್ತವೆ.

ಪದವಿ ವಿಭಾಗದ 1, 3, 5ನೇ ಸೆಮಿಸ್ಟರ್‌ ತರಗತಿಗಳು 2021 ಅಕ್ಟೋಬರ್‌ 4ಕ್ಕೆ ಆರಂಭವಾಗುತ್ತವೆ. 2022 ಜನವರಿ 31ಕ್ಕೆ ಮುಕ್ತಾಯವಾಗುತ್ತವೆ. ಪರೀಕ್ಷೆಗಳು 2022ರ ಫೆಬ್ರವರಿ 28ಕ್ಕೆ ಮುಗಿಯಲಿದೆ. 2, 4, 6ನೇ ಸೆಮಿಸ್ಟರ್‌ ತರಗತಿಗಳು 2022ರ ಮಾರ್ಚ್‌ 1ರಂದು ಶುರುವಾಗಿ, 2022ರ ಜೂನ್‌ 30ಕ್ಕೆ ತರಗತಿಗಳು ಮುಗಿಯುತ್ತವೆ. ಪರೀಕ್ಷೆಗಳು 2022ರ ಜುಲೈ 31ಕ್ಕೆ ಮುಗಿಯಲಿದ್ದು, ಫಲಿತಾಂಶವು 2022 ಅಗಸ್ಟ್‌ 14ರಂದು ಪ್ರಕಟವಾಗುತ್ತದೆ.

ಎಂಜಿನಿಯರಿಂಗ್‌ ತರಗತಿಗಳು:

ಎಂಜಿನಿಯರಿಂಗ್‌ ವಿಭಾಗದ 7ನೇ ಸೆಮಿಸ್ಟರ್‌ ತರಗತಿಗಳು 2021 ಫೆಬ್ರವರಿ 28ಕ್ಕೆ ಮುಗಿಯುತ್ತವೆ. ಪರೀಕ್ಷೆಗಳು 2021 ಮಾರ್ಚ್‌ 31ರಂದು ಮುಗಿಯಲಿವೆ. 1, 3 ಮತ್ತು 5ನೇ ಸೆಮಿಸ್ಟರ್‌ ತರಗತಿಗಳು 2021 ಮಾರ್ಚ್‌ 31ಕ್ಕೆ ಮುಗಿಯಲಿವೆ. ಪರೀಕ್ಷೆಗಳು 2021 ಏಪ್ರಿಲ್‌ 31ಕ್ಕೆ ಅಂತ್ಯವಾಗುತ್ತವೆ. 8ನೇ ಸೆಮಿಸ್ಟರ್‌ ತರಗತಿಗಳು 2021 ಏಪ್ರಿಲ್‌ 1ರಂದು ಶುರುವಾಗಿ, 2021 ಜುಲೈ 31ಕ್ಕೆ ಮುಗಿಯುತ್ತವೆ. ಪರೀಕ್ಷೆಗಳು 2021 ಅಗಸ್ಟ್‌ 31ಕ್ಕೆ ಮುಗಿದು ಫಲಿತಾಂಶವು 2021ರ ಸೆಪ್ಟೆಂಬರ್‌ 10ರಂದು ಪ್ರಕಟವಾಗಲಿದೆ. 2,4 ಮತ್ತು 6ನೇ ಸೆಮಿಸ್ಟರ್‌ ತರಗತಿಗಳು 2021ರ ಮೇ 2ರಂದು ಆರಂಭವಾಗಿ, 2021ರ ಅಗಸ್ಟ್‌ 31ಕ್ಕೆ ಮುಗಿಯಲಿವೆ. ಪರೀಕ್ಷೆಗಳು 2021ರ ಸೆಪ್ಟೆಂಬರ್‌ 31ಕ್ಕೆ ಮುಗಿಯುತ್ತವೆ.

ಎಂಜಿನಿಯರಿಂಗ್‌ ವಿಭಾಗದ 1,3,5,7ನೇ ಸೆಮಿಸ್ಟರ್‌ ತರಗತಿಗಳು 2021ರ ಅಕ್ಟೋಬರ್‌ 4ರಂದು ಆರಂಭವಾಗಲಿವೆ. ಈ ತರಗತಿಗಳು 2022 ಜನವರಿ 31ಕ್ಕೆ ಅಂತ್ಯವಾಗಲಿದ್ದು, 2022 ಫೆಬ್ತವರಿ 28ಕ್ಕೆ ಪರೀಕ್ಷೆಗಳು ಮುಗಿಯಲಿವೆ. ಇನ್ನು 2,4,6,8ನೇ ಸೆಮಿಸ್ಟರ್‌ನ ತರಗತಿಗಳು 2022 ಮಾರ್ಚ್‌ 1ರಂದು ಆರಂಭವಾಗಲಿದ್ದು, 2022 ಜೂನ್‌ 30ಕ್ಕೆ ತರಗತಿಗಳು ಕೊನೆಗೊಳ್ಳಲಿವೆ. ಈ ಸೆಮಿಸ್ಟರ್‌ಗಳ ಪರೀಕ್ಷೆಗಳು 2022 ಜುಲೈ 31ಕ್ಕೆ ಅಂತ್ಯವಾಗಲಿದ್ದು, 2022 ಅಗಸ್ಟ್‌ 14ರಂದು ಫಲಿತಾಂಶ ಪ್ರಕಟವಾಗಲಿದೆ.

ಸ್ನಾತಕೋತ್ತರ ತರಗತಿಗಳು:

3ನೇ ಸೆಮಿಸ್ಟರ್‌ ತರಗತಿಗಳು 2021 ಫೆಬ್ರವರಿ 28ಕ್ಕೆ ಮುಗಿಯಲಿದ್ದು, ಇದರ ಪರೀಕ್ಷೆಗಳು 2021ರ ಮಾರ್ಚ್‌ 31ಕ್ಕೆ ಅಂತ್ಯವಾಗಲಿವೆ. 1ನೇ ಸೆಮಿಸ್ಟರ್‌ ತರಗತಿಗಳು 2021 ಏಪ್ರಿಲ್‌ 1ಕ್ಕೆ ಮುಗಿದು, ಪರೀಕ್ಷೆಗಳು 2021ರ ಮಾರ್ಚ್‌ 31ಕ್ಕೆ ಅಂತ್ಯವಾಗಲಿವೆ. 4ನೇ ಸೆಮಿಸ್ಟರ್‌ ತರಗತಿಗಳು 2021 ಏಪ್ರಿಲ್‌ 1ರಿಂದ ಆರಂಭವಾಗಿ 2021 ಜುಲೈ 31ಕ್ಕೆ ಮುಗಿಯಲಿವೆ. ಈ ಸೆಮಿಸ್ಟರ್‌ನ ಪರೀಕ್ಷೆಗಳು 2021 ಅಗಸ್ಟ್‌ 31ಕ್ಕೆ ಆರಂಭವಾಗಿ ಪರೀಕ್ಷೆ ಫಲಿತಾಂಶವು 2021ರ ಸೆಪ್ಟೆಂಬರ್‌ 10ರಂದು ಪ್ರಕಟವಾಗಲಿದೆ. 2ನೇ ಸೆಮಿಸ್ಟರ್‌ನ ತರಗತಿಗಳು 2021 ಮೇ 2ರಿಂದ ಆರಂಭವಾಗಿ 2021 ಅಗಸ್ಟ್‌ 31ಕ್ಕೆ ಮುಗಿಯುತ್ತವೆ ಹಾಗೂ ಈ ಪರೀಕ್ಷೆಗಳಫಲಿತಾಂಶವು 2021ರ ಸೆಪ್ಟೆಂಬರ್‌ 30ರಂದು ಪ್ರಕಟವಾಗಲಿದೆ.

1-3ನೇ ಸೆಮಿಸ್ಟರ್‌ಗಳ ತರಗತಿಗಳು (ಕಾಲೇಜುಗಳು) 2021 ಅಕ್ಟೋಬರ್‌ 4ರಂದು ಆರಂಭವಾಗುತ್ತವೆ. ಈ ಮೂರು ಸೆಮಿಸ್ಟರ್‌ಗಳ ತರಗತಿಗಳು 2022 ಜನವರಿ 31ಕ್ಕೆ ಅಂತ್ಯವಾಗಲಿವೆ. 2022 ಫೆಬ್ರವರಿ 28ಕ್ಕೆಲ್ಲ ಈ ಸೆಮಿಸ್ಟರ್‌ಗಳ ಪರೀಕ್ಷೆಗಳು ಮುಗಿಲಿವೆ. 2 ಮತ್ತು 4ನೇ ಸೆಮಿಸ್ಟರ್‌ ತರಗತಿಗಳು 2022 ಮಾರ್ಚ್‌ 1ರಿಂದ ಆರಂಭವಾಗಿ 2022 ಜೂನ್‌ 22ಕ್ಕೆ ಅಂತ್ಯವಾಗಲಿವೆ. 2ರಿಂದ 4ನೇ ಸೆಮಿಸ್ಟರ್‌ ಪರೀಕ್ಷೆಗಳು 2022 ಜುಲೈ 31ರಿಂದ ಶುರುವಾಗಲಿವೆ. ಈ ಪರೀಕ್ಷೆಗಳ ಫಲಿತಾಂಶ 2022 ಅಗಸ್ಟ್‌ 14ರಂದು ಪ್ರಕಟವಾಗಲಿದೆ.