ಕೋವಿಡ್: ಇಂದಿನ ಸ್ಥಿತಿ ಗತಿ

ಇಂದು ಬೆಳಿಗ್ಗೆ ವರದಿಯಾದಂತೆ ದೇಶದ ಕೋವಿಡ್ ಸ್ಥಿತಿ ಗತಿ.

ಸೋಂಕಿನ ಇಳಿಕೆ ಪ್ರವೃತ್ತಿ ಮುಂದುವರಿದಿದೆ. ಭಾರತದ ಸಕ್ರಿಯ ಪ್ರಕರಣಗಳ ಸಂಖ್ಯೆ 17,13,413ಕ್ಕೆ ಇಳಿಕೆಯಾಗಿದೆ.

ಸಕ್ರಿಯ ಪ್ರಕರಣಗಳು ಕಳೆದ 24 ಗಂಟೆಗಳ ಅವಧಿಯಲ್ಲಿ 80,232ರಷ್ಟು ಇಳಿಕೆಯಾಗಿದೆ.

ಭಾರತದಲ್ಲಿ ಕಳೆದ 24 ಗಂಟೆಗಳ ಅವಧಿಯಲ್ಲಿ 1.34 ಲಕ್ಷ ಹೊಸ ದೈನಿಕ ಪ್ರಕರಣಗಳು ವರದಿಯಾಗಿದ್ದು, ದೇಶದಲ್ಲಿ ದೈನಿಕ ಹೊಸ ಪ್ರಕರಣಗಳಲ್ಲಿ ಇಳಿಕೆ ಮುಂದುವರಿದಿದೆ

ದೇಶಾದ್ಯಂತ 2.64 ಕೋಟಿ ಜನರು ಈವರೆಗೆ ಕೋವಿಡ್ 19ರಿಂದ ಗುಣಮುಖರಾಗಿದ್ದಾರೆ, ಕಳೆದ 24 ಗಂಟೆಗಳಲ್ಲಿ 2,11,499 ರೋಗಿಗಳು ಚೇತರಿಸಿಕೊಂಡಿದ್ದಾರೆ.

ಸತತ 21ನೇ ದಿನವೂ ದೈನಿಕ ಹೊಸ ಪ್ರಕರಣಗಳಿಗಿಂತ, ಚೇತರಿಕೆಯೇ ಹೆಚ್ಚಾಗಿದೆ.

ನಿರಂತರ ಚೇತರಿಕೆಯ ಹಿನ್ನೆಲೆಯಲ್ಲಿ ಚೇತರಿಕೆ ದರ ಶೇ.92.79ಕ್ಕೆ ಹೆಚ್ಚಳವಾಗಿದೆ.

ಸಾಪ್ತಾಹಿಕ ಪಾಸಿಟಿವಿಟಿ ದರ ಪ್ರಸ್ತುತ ಶೇ.7.66 ಆಗಿದೆ.

ದೈನಿಕ ಪಾಸಿಟಿವಿಟಿ ದರ ಶೇ.6.21ಆಗಿದ್ದು, ಸತತ 10ನೇ ದಿನವೂ ಶೇ.10ಕ್ಕಿಂತ ಕಡಿಮೆ ಇದೆ.

ಪರೀಕ್ಷಾ ಸಾಮರ್ಥ್ಯ ಗಣನೀಯವಾಗಿ ಹೆಚ್ಚಳವಾಗಿದ್ದು, ಒಟ್ಟು 35.3 ಕೋಟಿ ಪರೀಕ್ಷೆಗಳನ್ನು ಈವರೆಗೆ ನಡೆಸಲಾಗಿದೆ.

ಈವರೆಗೆ ದೇಶಾದ್ಯಂತದ ಲಸಿಕಾ ಅಭಿಯಾನದಲ್ಲಿ 22.10 ಕೋಟಿ ಲಸಿಕಾ ಡೋಸ್ ನೀಡಲಾಗಿದೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ 22 ಲಕ್ಷ ಲಸಿಕೆ ನೀಡಲಾಗಿದೆ. (ವರದಿ ಪಿಐಬಿ)