ವನ್ಯಜೀವಿ ಛಾಯಾಗ್ರಾಹಕರ ಸಂಘಟನೆ ಪಿಕ್ಸ್4ಕಾಸ್ ಬೆಂಗಳೂರಿನಲ್ಲಿ ಕೋವಿಡ್-19ರಿಂದ ಸಂಕಷ್ಟಕ್ಕೆ ಸಿಲುಕಿದವರು ಹಾಗೂ ಕಟ್ಟಡ ಕಾರ್ಮಿಕರಿಗೆ ಆಹಾರದ ಪ್ಯಾಕೆಟ್ ಗಳನ್ನು ವಿತರಿಸಿ ನೆರವು ನೀಡಿದೆ. ಬೆಂಗಳೂರು, ಹೈದರಾಬಾದ್ ಮತ್ತು ಕೊಯಮತ್ತೂರುಗಳಲ್ಲಿ ಇಲ್ಲಿಯವರೆಗೆ 28000 ಆಹಾರದ ಪ್ಯಾಕೆಟ್ ಗಳನ್ನು ವಿತರಿಸಿದ್ದು ಲಾಕ್ ಡೌನ್ ಅಂತ್ಯವಾಗುವವರೆಗೂ ಈ ಉಪಕ್ರಮ ಮುಂದುವರಿಸಲಿದೆ.
ಈ ಉಪಕ್ರಮದ ಕುರಿತು ಪಿಕ್ಸ್4ಕಾಸ್ ಅಧ್ಯಕ್ಷ ಮೋಹನ್ ಥಾಮಸ್, “ ವನ್ಯಜೀವಿ ಸಂರಕ್ಷಣೆಗೆ ಶ್ರಮಿಸುವ ಸಿಬ್ಬಂದಿ ಹಾಗೂ ಸಂರಕ್ಷಣೆಯಲ್ಲಿ ತೊಡಗಿರುವ ಇತರರಿಗೆ ನೆರವಾಗುವ ಉದ್ದೇಶದಿಂದ ಪ್ರಾರಂಭವಾದ ಪಿಕ್ಸ್4ಕಾಸ್ ಸಂಸ್ಥೆಯು ವಿಶ್ವವನ್ನು ಕಾಡುತ್ತಿರುವ ಕೋವಿಡ್-19 ಸಾಂಕ್ರಾಮಿಕದ ಸಂದರ್ಭದಲ್ಲಿ ಸಮಾಜದ ಅಸಹಾಯಕ, ದುರ್ಬಲ ವರ್ಗಗಳಿಗೆ ನೆರವಾಗುವ ನಿರ್ಧಾರ ತಳೆದು ಬೆಂಗಳೂರು ಹಾಗೂ ಇತರೆ ನಗರಗಳ ಸರ್ಕಾರದ ಆಸ್ಪತ್ರೆಗಳಲ್ಲಿ ದಾಖಲಾದ ರೋಗಿಗಳು ಹಾಗೂ ಅವರ ಕಡೆಯ ಬಂಧುಗಳು ಹಾಗೂ ವಲಸಿಗ ಕಟ್ಟಡ ಕಾರ್ಮಿಕರಿಗೆ ಆಹಾರದ ಪ್ಯಾಕೆಟ್ ಗಳನ್ನು ವಿತರಿಸುವ ಮೂಲಕ ನೆರವಾಗಿದೆ.
ನಮ್ಮ ಛಾಯಾಚಿತ್ರಗಳ ಮಾರಾಟ ಹಾಗೂ ವನ್ಯಜೀವಿ ಛಾಯಾಗ್ರಾಹಕರ ಸ್ನೇಹಿತರು ಮತ್ತು ಬಂಧುಬಳಗ ನೀಡಿದ ದೇಣಿಗೆ ಸುಮಾರು 22 ಲಕ್ಷ ರೂ. ಸಂಗ್ರಹವಾಗಿದ್ದು ಈ ನಿಧಿಯ ಸದ್ಬಳಕೆ ಮಾಡಿ ಸಮಾಜದ ಸಂಕಷ್ಟಗಳಿಗೆ ಸದಾ ಮಿಡಿಯುವುದು ನಮ್ಮ ಗುರಿಯಾಗಿದೆ” ಎಂದರು.
ಪಿಕ್ಸ್4ಕಾಸ್ ಮುಂಬೈ, ಬೆಂಗಳೂರು, ಕೊಲ್ಕತಾ, ಚೆನ್ನೈ, ಕೊಯಮತ್ತೂರು, ದೆಹಲಿ ಅಲ್ಲದೆ ದೋಹಾ, ಸಿಂಗಪೂರ್ ದೇಶಗಳಲ್ಲಿರುವ 30ಕ್ಕೂ ಹೆಚ್ಚು ಛಾಯಾಗ್ರಾಹಕರ ನೆರವಿನೊಂದಿಗೆ ಮಾರ್ಚ್ 2020ರಂದು ಪ್ರಾರಂಭವಾಯಿತು. ಜೀವನದ ವಿವಿಧ ಕ್ಷೇತ್ರಗಳಲ್ಲಿನ ಸಮಾನ ಮನಸ್ಕ ಛಾಯಾಗ್ರಾಹಕರ ಗುಂಪು `ಪಿಕ್ಸ್4ಕಾಸ್’ ಹೆಸರಿನಲ್ಲಿ ಒಗ್ಗೂಡಿದೆ. ನಮ್ಮ ಉದ್ದೇಶವು ಪರಿಸರ ಸಂರಕ್ಷಣೆ ಹಾಗೂ ಸಂಕಷ್ಟದಲ್ಲಿರುವ ಜನರಿಗೆ ನೆರವಾಗುವುದಾಗಿದೆ. ಈ ಸಂಸ್ಥೆಯ ಸದಸ್ಯರ ಛಾಯಾಚಿತ್ರಗಳನ್ನು ಮಾರಾಟ ಮಾಡಲು ಹಾಗೂ ನಿಧಿ ಸಂಗ್ರಹಿಸಲು ಡಿಜಿಟಲ್ ಪ್ಲಾಟ್ ಫಾರಂ ಸೃಷ್ಟಿಸಲಾಗಿದೆ. ಈ ಇಡೀ ಪ್ರಕ್ರಿಯೆಯು ಮುದ್ರಣ ವೆಚ್ಚಗಳು ಹಾಗೂ ತೆರಿಗೆಗಳಿಂದ ಮುಕ್ತವಾಗಿದ್ದು ಈ ನಿಶ್ಯಬ್ದವಾಗಿ ಕಾರ್ಯ ನಿರ್ವಹಿಸುವ ನಾಯಕರಿಗೆ ನೆರವಾಗುತ್ತವೆ ಮತ್ತು ಸಂರಕ್ಷಣೆಯ ಪ್ರಯತ್ನಗಳಿಗೆ ಮತ್ತಷ್ಟು ನೆರವಾಗುತ್ತದೆ.
ಪಿಕ್ಸ್4ಕಾಸ್ ವೆಬ್ ಸೈಟ್ ನಲ್ಲಿ ಹಲವಾರು ವರ್ಣರಂಜಿತ ಮತ್ತು ಅಸಾಧಾರಣ ವನ್ಯಜೀವಿಗಳ ಛಾಯಾಚಿತ್ರಗಳಿದ್ದು ಜನರು ಭೇಟಿ ನೀಡಿ ಈ ಚಿತ್ರಗಳನ್ನು ಕೊಳ್ಳಬಹುದು. ಪ್ರಸ್ತುತ ಸನ್ನಿವೇಶದಲ್ಲಿ ಪಿಕ್ಸ್4ಕಾಸ್ ಹೈದರಾಬಾದ್, ಬೆಂಗಳೂರು ಮತ್ತು ಕೊಯಮತ್ತೂರುಗಳಲ್ಲಿ ಆಹಾರದ ಪ್ಯಾಕೆಟ್ ಗಳನ್ನು ವಿತರಿಸಿತು. ಮೇ 10, 2021ರಂದು ಪ್ರಾರಂಭಿಸಿ ಇಲ್ಲಿಯವರೆಗೂ 28000 ಆಹಾರದ ಪಾಕೆಟ್ ಗಳನ್ನು ವಿತರಿಸಿದೆ. ಲಾಕ್ ಡೌನ್ ತೆರವಾಗುವವರೆಗೂ ಪಿಕ್ಸ್4ಕಾಸ್ ಇದನ್ನು ಮುಂದುವರಿಸಲಿದೆ.
