ಇಂದು ಅಪ್ಪಂದಿರ ದಿನ. ಮಂಗಳೂರು ವಿಶ್ವವಿದ್ಯಾಲಯ ಕಾಲೇಜಿನ ಪತ್ರಿಕೋದ್ಯಮ ಪದವಿಯ ಇಬ್ಬರು ವಿದ್ಯಾರ್ಥಿನಿಯರು ತಮ್ಮ ಪ್ರಿತೀಯ ಅಪ್ಪನ ಬಗ್ಗೆ ಬರೆದಿದ್ದಾರೆ.
ಆತ್ಮಸಾಕ್ಷಿಯನ್ನು ಪ್ರಜ್ವಲಗೊಳಿಸುವ ದಿವ್ಯಶಕ್ತಿ
ದಿವ್ಯಶ್ರೀ
ಅಪ್ಪ ಬಾಲ್ಯ ಕಾಲದಲ್ಲಿ ಶಿಸ್ತುಸಂಸ್ಕಾರಗಳ ಕಲಿಕೆಯ ಸಂವಾಹಕ ಶಕ್ತಿ. ಯೌವನದ ಸಂದಭ೯ದಲ್ಲಿ ಆತ್ಮಸಾಕ್ಷಿಯನ್ನು ಪ್ರಜ್ವಲಗೊಳಿಸುವ ದಿವ್ಯಶಕ್ತಿ. ಗೃಹಸ್ಥ, ನಿವ೯ಹಣೆಯ ವೇಳೆ ಸರಿ-ತಪ್ಪುಗಳನ್ನು ಗುರುತಿಸಿ ವಿವೇಚನೆ ಹೊಳೆಸುವ ಹೊಂಬೆಳಕು.
ಎಲ್ಲಕ್ಕಿಂತ ಹೆಚ್ಚಾಗಿ ಹೊಸಕಾಲವನ್ನು ಹಾದುಹೋಗುವುದಕ್ಕೆ ಬೇಕಾದ ಸಾಮಥ್ಯ೯ ದಾಟಿಸುವ ಚೈತನ್ಯ ಅಪ್ಪ. ಭಾವುಕತೆಯ ಕಣ್ಣಲ್ಲಿ ಅಥೈ೯ಸುವಾಗ ಅಪ್ಪನ ಆ ವ್ಯಕ್ತಿತ್ವದ ಅಗಾಧತೆಯ ಸಮಗ್ರತೆ ತಿಳಿವಿಗೆಟಕುವುದಿಲ್ಲ. ಅಪ್ಪ ಎಂಥದ್ದೇ ಬಿಕ್ಕಟ್ಟಿನ ಸಂದಭ೯ ಎದುರಾದರೂ ನ್ಯಾಯಯುತ ಮಾಗ೯ ಬಿಟ್ಟುಕೊಡಬಾರದು ಎಂಬ ಪ್ರಜ್ಞೆ ಮಕ್ಕಳೊಳಗೆ ಸಮ್ಮಿಳಿತಗೊಳಿಸುತ್ತಾನೆ. ಈ ಮೂಲಕ ಆತ್ಮವಿಶ್ವಾಸ, ನೈತಿಕ ಸ್ಥೈರ್ಯ ಜೊತೆಯಾಗುತ್ತವೆ.
ಅಪ್ಪನ ವ್ಯಕ್ತಿತ್ವವನ್ನು ಪದಗಳ ಪುಂಜದೊಳಗೆ ಪೋಣೆಸೋದು ಕಷ್ಟ. ಅಪ್ಪ ಜೊತೆಯಲ್ಲಿದ್ದರೆ ಅದೇನೋ ಹೇಳತೀರದ ಭದ್ರತೆಯ ಭಾವ. ನೂರಾರು ಕಷ್ಟಗಳನ್ನು ಎದೆಯಲ್ಲೇ ಬಚ್ಚಿಟ್ಟುಕೊಂಡು ನಗುತ್ತಲೇ ಇರುವವನು ಅಪ್ಪ. ನನ್ನ ಆಸೆಗಳಿಗೆ ಮತ್ತು ಕನಸ್ಸುಗಳಿಗೋಸ್ಕರ ಮಗಳಿಗೇನೂ ಕಮ್ಮಿ ಇಲ್ಲದಂತೆ ಬೆಳೆಸಿದವರು.
ಜಗತ್ತಿನಲ್ಲಿ ಎಂದೂ ಬದಲಾಗದ ವ್ಯಕ್ತಿತ್ವ ಅಪ್ಪ… ಇವರ ಪ್ರೀತಿ ಮುಂದೆ ಬೇರೆಲ್ಲವೂ ಶೂನ್ಯವೆನಗೆ…
ಅಪ್ಪ ನನ್ನ ಜಗತ್ತು…
ರಮ್ಯಾ ಡಿ
ನನಗೆ ʼಅಪ್ಪʼ ಎಂದರೆ ಕೇವಲ ಒಂದು ಪದವಲ್ಲ ಅವರು ನನ್ನ ಜೀವ. ಅಪ್ಪನ ಬಗ್ಗೆ ಹೇಳಹೋರಟರೆ ಅದು ಒಂದೆರಡು ಮಾತಿನಲ್ಲಿ ಮುಗಿಯಲು ಸಾಧ್ಯವಿಲ್ಲ. ಚಿಕ್ಕಂದಿನಿಂದಲೇ ತುಂಬಾ ಪ್ರೀತಿಯಿಂದ ನೋಡಿಕೊಂಡ ಅಪ್ಪ, ನನಗೆ ಏನು ಬೇಕು ಏನು ಬೇಡ ಎಂಬುದನ್ನು ಹೇಳದೆಯೇ ಅರ್ಥಮಾಡಿಕೊಳ್ಳುತ್ತಿದ್ದರು. .
ಅವರು ರಾತ್ರಿ ಕೆಲಸ ಮುಗಿಸಿ ಬರುವಾಗ ನನಗೆ ಏನಾದರೂ ತಿಂಡಿಯನ್ನು ತಂದೇ ತರುತ್ತಿದ್ದರು. ಅದ್ದಕಾಗಿಯೇ ಎಷ್ಟೋ ಸಲ ತಡರಾತ್ರಿಯವರೆಗೆ ಕಾದು ಕುಳಿತಿದ್ದದ್ದುಂಟು. ನಾನು ಏನೇ ತಪ್ಪು ಮಾಡಿದರೂ ಅಮ್ಮ ಹೊಡೆಯುತ್ತಿದ್ದರು, ಆದರೆ ಅಪ್ಪ ಸಮಾಧಾನದಿಂದ ಬುದ್ಧಿವಾದ ಹೇಳಿ ಪ್ರೀತಿಯಿಂದ ಪಾಠ ಕಲಿಸುತ್ತಿದ್ದರು.
ನನಗೆ ತಾಯಿ ಜನ್ಮ ನೀಡಿದರೆ ತಂದೆ ಬದುಕುವುದನ್ನು ಕಲಿಸಿಕೊಟ್ಟಿದ್ದಾರೆ. ಒಳ್ಳೆಯ ಅಪ್ಪನೆನಿಸುವುದು ಕೆಲವರಿಗಷ್ಟೇ ಸಾಧ್ಯ. ಅದರಲ್ಲಿಯೂ ಅಪ್ಪಾ ನೀವು ನನಗೆ ತುಂಬಾ ಸ್ಪೆಷಲ್. ನನಗೆ ಯಾರಾದರೂ ನೋವು ಮಾಡಿದರೆ, ನಾನು ಬೇಸರದಲ್ಲಿದ್ದಾಗ ಸಮಾಧಾನಪಡಿಸಿ ಸಂತೋಷಪಡಿಸುವ ಏಕೈಕ ಜೀವ ನೀವೇ.
ಅಪ್ಪಂದಿರ ದಿನಾಚರಣೆಯ ಶುಭಾಶಯಗಳು, ಲವ್ ಯು ಅಪ್ಪಾ…
ದಿವ್ಯಶ್ರೀ ಪತ್ರಿಕೋದ್ಯಮದಲ್ಲಿ ಅಂತಿಮ ಬಿಎ ಹಾಗೂ ರಮ್ಯಾ ಡಿ ಪತ್ರಿಕೋದ್ಯಮದಲ್ಲಿ ದ್ವಿತೀಯ ಬಿಎ ವ್ಯಾಸಂಗ ಮಾಡುತ್ತಿದ್ದಾರೆ.
