ಅಕ್ಟೋಬರ್ 1 ರಿಂದ ಮೊದಲ ಸೆಮಿಸ್ಟರ್ ತರಗತಿ ಆರಂಭ
ಕೋವಿಡ್ 19 ಹಿನ್ನೆಲೆಯಲ್ಲಿ ಶೈಕ್ಷಣಿಕ ಚಟುವಟಿಕೆಗಳು ವ್ಯತ್ಯಯ ಗೊಂಡಿರುವ ಹಿನ್ನೆಲೆಯಲ್ಲಿ ವಿಶ್ವವಿದ್ಯಾಲಯ ಧನ ಸಹಾಯ ಆಯೋಗ-UGC- ಉನ್ನತ ಶಿಕ್ಷಣಕ್ಕೆ ಸಂಬಂಧಿಸಿಂತೆ ಮಾರ್ಗದರ್ಶಿ ಸೂತ್ರಗಳನ್ನು ಬಿಡುಗಡೆ ಮಾಡಿದೆ. ಕಳೆದ ವರ್ಷ ಕೂಡ ಯುಜಿಸಿ ಮಾರ್ಗದರ್ಶಿ ಸೂತ್ರಗಳನ್ನು ಬಿಡುಗಡೆ ಮಾಡಿತ್ತು.
ಇದೀಗ ಪ್ರಸಕ್ತ ಸ್ಥಿತಿಗಳನ್ನು ಗಮನಿಸಿ ನಿನ್ನೆ ಅಂದರೆ ಜುಲೈ 16ರಂದು ಮತ್ತೊಂದು ಸುತ್ತಿನ ಗೈಡ್ ಲೈನ್ಸ್ ಪ್ರಕಟಿಸಿದೆ. ಆ ಗೈಡ್ ಲೈನ್ಸ್ ನಲ್ಲಿ 2021-22 ನೇ ಸಾಲಿನ ಪರೀಕ್ಷೆಗಳು ಮತ್ತು ಪ್ರವೇಶ ವೇಳಾ ಪಟ್ಟಿಯನ್ನು ಅದು ಪ್ರಕಟಿಸಿದೆ.
ಈ ಮಾರ್ಗದರ್ಶಿ ಸೂತ್ರಗಳನ್ನು ವಿವಿ ಗಳ ಕುಲಪತಿಗಳು ಮತ್ತು ಕಾಲೇಜು ಪ್ರಿನ್ಸಿಪಾಲರುಗಳಿಗೆ ಯುಜಿಸಿಯ ಕಾರ್ಯದರ್ಶಿ ಪ್ರೊ. ರಜನೀಶ್ ಜೈನ್ ರವಾನಿಸಿದ್ದು ಅದರ ಪ್ರತಿ ಕನ್ನಡಪ್ರೆಸ್.ಕಾಮ್ ಗೆ ಲಭ್ಯವಾಗಿದೆ. ಈ ಮಾರ್ಗದರ್ಶಿ ಸೂತ್ರದಂತೆ ಶಿಕ್ಷಣ ಸಂಸ್ಥೆಗಳು ಸಿದ್ಧವಾಗುವಂತೆಯೂ ಅಂತಿಮವಾಗಿ ಸ್ಥಳೀಯ ಪರಿಸ್ಥಿತಿಗಳಿಗೆ ಸಂಬಂಧಿಸಿದಂತೆ ಸ್ಥಳೀಯ ಸರಕಾರಗಳು ಹೊರಡಿಸುವ ಅಗತ್ಯ ನಿರ್ದೇಶನಗಳಂತೆ ತಮ್ಮ ಶೈಕ್ಷಣಿಕ ಚಟುವಟಿಕೆಗಳನ್ನು ರೂಪಿಸಿಕೊಳ್ಳಲು ಸಲಹೆ ಮಾಡಿದೆ.
ಈ ಗೈಡ್ ಲೈನ್ಸ್ ಪ್ರಕಾರ ಸೆಪ್ಟೆಂಬರ್ 30 ರೊಳಗೆ ಅಡ್ಮಿಷನ್ ಪ್ರಕ್ರಿಯೆಗಳನ್ನು ಮುಗಿಸಿ ಅಕ್ಟೋಬರ್ 1 ರವೇಳೆಗೆ ಮೊದಲ ಸೆಮಿಸ್ಟರ್ ತರಗತಿಗಳನ್ನು ಆಫ್ ಲೈನ್ ಅಥವಾ ಆನ್ ಲೈನ್ ಪದ್ದತಿಯಲ್ಲಿ ಆರಂಭಿಸಲು ಸೂಚಿಸಿದೆ. ಭೌತಿಕ ತರಗತಿಗಳ ಆರಂಭ ಸ್ಥಳೀಯ ಸರಕಾರದ ನಿರ್ಧಾರವನ್ನು ಅವಲಂಬಿಸಿರುತ್ತದೆ.
ಯುಜಿಸಿ ಸೂಚಿಸಿರುವ ಶೈಕ್ಷಣಿಕ ವೇಳಾಪಟ್ಟಿ
ಯುಜಿಸಿ ಮಾರ್ಗದರ್ಶಿ ಸೂತ್ರದ ಪೂರ್ಣಪಾಠದ ಪಿಡಿಎಫ್. ಸ್ಕ್ರಾಲ್ ಮಾಡಿ ಓದಿ.
